ઉરીના દિગ્દર્શક સાથે લગ્ન કર્યા યામી ગૌતમે

બૉલિવુડની અભિનેત્રી યામી ગૌતમે ઉરી : ધ સર્જિકલ સ્ટ્રાઇકના દિગ્દર્શક આદિત્ય ધર સાથે લગ્ન કર્યા છે. યામી અને આદિત્યએ તેમનાં લગ્નનો પહેલો ફોટો સોશિયલ મીડિયા પર શેર કરી તેમના ચાહકોને સરપ્રાઇઝ આપી હતી.

યામી અને આદિત્યએ સોશિયલ મીડિયા પર લગ્નનો રોમાન્ટિક ફોટો શેર કર્યો છે. ફોટામાં યામી ગૌતમ લાલ પાનેતર પહેરી બેઠી છે અને આદિત્યને જોઈને સ્માઇલ આપી રહી છે. તો આદિત્ય ધરે સફેદ રંગની શેરવાની ને પાઘડી પહેરી છે અને યામીને જોઈ મુસ્કુરાઈ રહ્યો છે. બંનેનો ફોટો જોઈ સેલેબ્સ અને ચાહકો શુભેચ્છાઓ પાઠવી રહ્યા છે.

ફોટો શેર કરવાની સાથે બંનેએ લખ્યુ હતું કે, તુમ્હારી રૌશની મેં મૈંને પ્યાર સીખા હૈ – રૂમી. હમારે પરિવાર કે આશીર્વાદ કે સાથ હમને એક ઇન્ટિમેટ સેરેમની મેં શાદી કર લી. પ્રાઇવેટ ઇન્સાન હોને કી વજહ સે હમ દોનોં ને ઇસ ખુશી ભરે મૌકે કો અપને પરિવાર કે સાથ બાંટા હૈ. હમ અપને પ્યાર ઔર દોસ્તી કે ઇસ સફર મેં આપકી દુઆએં ઔર આશીર્વાદ ચાહેંગે. પ્યાર, યામી ઔર આદિત્ય.

યામી ગૌતમે આદિત્ય ધરની ફિલ્મ ઉરી : ધ સર્જિકલ સ્ટ્રાઇકમાં સાથે કામ કર્યુ હતું. આ ફિલ્મથી આદિત્યને ઘણી પ્રસિદ્ધિ મળી હતી. એવું કહેવાય છે કે બંને ઉરીના સમયથી પ્રેમમાં હતા, પરંતુ બંનેએ આ અંગે કદી ચોખવટ કરી નહોતી.