દુર્ગાષ્ટમીએ કાજોલની સ્ટાઇલ અને જયા બચ્ચનની સ્માઇલ જોઈ આમંત્રિતો થયા દંગ

દુર્ગાષ્ટમીના અવસરે મુંબઈમાં બૉલિવૂડની સેલિબ્રિટીઝ મા દુર્ગાની ભક્તિમાં તરબોળ જોવા મળી હતી. રાની મુખર્જી, કાજોલ, રણબીર કપૂર, મૌની રૉય, શરબની મુખર્જી, અયાન મુખર્જી અને જયા બચ્ચન જેવા દિગ્ગજ કલાકારો સહિત બોલિવૂડના ઘણા સેલેબ્સ જુહુ સ્થિત દુર્ગા પંડાલમાં ભેગા થયા હતા.

કાર્યક્રમ દરમિયાન દરેક વચ્ચે સુંદર બૉન્ડિંગ જોવા મળ્યું હતું. કાર્યક્રમના સ્થળે જયા બચ્ચન અને કાજોલનો એક વિડિયો પણ સામે આવ્યો છે, જેમાં કાજોલ પોતાની આંગળી બતાવીને જયાની મજાકમાં બૂમો પાડવાની સાથે જયા બચ્ચનને માસ્ક ઉતારવા કહે છે.

વિડીયોમાં જોઈ શકાય છે કે કાજોલ મંડપમાં જયા બચ્ચનને મૈત્રીપૂર્ણ રીતે મળે છે. આ દરમિયાન જયાના મોં પર માસ્ક છે, જેના કારણે તેનો ચહેરો દેખાતો નથી. આના પર કાજોલ મજાકમાં આંગળી ચીંધીને કહે છે, “માસ્ક હટાવવો પડશે, ભલે તે ગમે તે હોય.” આથી જયા પોતાનો માસ્ક ઉતારે છે અને સ્મિત સાથે પોઝ આપે છે. પરંતુ કાજોલની સ્ટાઈલ અને જયાની સ્માઈલ બંને જોઈને લોકો આશ્ચર્યચકિત થઈ જાય છે.

તે જ સમયે, જયા બચ્ચનના ચહેરા પર સ્મિત જોઈને, એક ઈન્ટરનેટ યુઝરે લખ્યું, “જયા બચ્ચન પહેલીવાર મીડિયાની સામે હસી રહી છે. નહીં તો તે ગુસ્સામાં દેખાય છે.” એક યુઝરે કમેન્ટ કરી કે, “પહેલી વાર જયા બચ્ચન મીડિયા સામે હસતી જોવા મળી રહી છે.”

વિડિયો જોવા નીચેની લિન્ક પર ક્લિક કરો

https://youtu.be/DFr1_pxbjQY