આલિયા ભટ્ટ એની અભિનય પ્રતિભાને કારણે ચર્ચામાં રહેતી હોય છે પણ નિર્માત્રી-અભિનેત્રી તરીકેની પહેલી ફિલ્મ ડાર્લિંગ્સ ઓટીટી પર રિલીઝ થઈ રહી છે ત્યારે એના ચાહકો ફિલ્મ જોવા ઘણા ઉત્સુક છે. તાજેતરમાં ફિલ્મનું ટ્રેલર લૉન્ચ કરવામાં આવ્યું.
આ મજેદાર ટ્રેલરની શરૂઆતમાં પતિનું પાત્ર ભજવી રહેલા વિજય વર્મા એની પત્ની (આલિયા ભટ્ટ)ને પ્રેમ કરતો દર્શાવાયો છે છતાં એને છોડવાની વાત કરે છે. અને હકીકતમાં એ ઘરે નથી પહોંચતો ત્યારે આલિયા ફરિયાદ નોંધાવવા પોલીસ સ્ટેશને જાય છે. પરંતુ થોડા સમયમાં જ અપહરણના રહસ્ય પરથી પરદો ઊઠે છે અને પછી શરૂ થાય છે દર્શકો માટે મિસ્ટ્રી અને થ્રિલરનો ડૉઝ.
એ સાથે આલિયાએ ઉમેર્યું કે, હું લોકોની વાતો પર ધ્યાન આપતી નથી અને મન પર પણ લેતી નથી. મારે જે કરવું હોય એ જ કરૂં છું.
ડાર્લિંગ્સથી આલિયા ભટ્ટ નિર્માત્રી તરીકેની એની નવી ઇનિંગ શરૂ કરી રહી છે. એને કારણે ઘણી ઉત્સાહિત હોવાની સાથે થોડી નર્વસ પણ છે. આલિયાએ કહ્યું કે, આ ફિલ્મ મારા માટે ખાસ છે. કારણ, ફિલ્મ ડાર્લિંગ્સ એક ખાસ ફિલ્મ છે અને બીજું, આ ફિલ્મ મારા પોતાના પ્રોડક્શન હાઉસ ઇટરનલ સનશાઇન બેનર હેઠળ બની છે.