કોરોનાકાળમાં સુષુપ્ત થઈ ગયેલી ફિલ્મ ઇન્ડસ્ટ્રી ફરી ધમધમવા લાગી છે. એક પછી એક વિવિધ વિષયો ધરાવતી ગુજરાતી ફિલ્મો રિલીઝ થઈ રહી છે અને દર્શકોનો આવકાર પણ મળી રહ્યો છે. તો અનેક ફિલ્મોના શૂટિંગ પણ હાલ ચાલી રહ્યા છે. આવી જ એક ફિલ્મ છે ગુજરાતથી ગોવા. એક સમયે હીરો તરીકે ગુજરાતી ફિલ્મ ઇન્ડસ્ટ્રી ગજવનાર અવ્વલ દરજ્જાના કલાકાર રાજદીપ હવે નિર્માતા-દિગ્દર્શક તરીકેની તેમની પહેલી ગુજરાતી ફિલ્મ ગુજરાતથી ગોવાના શૂટિંગમાં વ્યસ્ત છે. પર્ફેક્શનના આગ્રહી રાજદીપે ફિલ્મમાં આવતા ગોવાના દૃશ્યો શૂટ કરવા માટે ચાર દિવસ એક લક્ઝરી ક્રુઝ ભાડે રાખી હતી.
સ્મિત વંદન ફિલ્મ પ્રોડક્શન બેનર હેઠળ બની રહેલી ફિલ્મના નિર્માતાઓ છે સ્મિતા બારોટ, મુકેશ પટેલ, શૈલેષ પટેલ, વંદના બી. રાવલ. રાજદીપના દિગ્દર્શનમાં બની રહેલી ફિલ્મનું સંગીત શિવમ બાક્ષીનું છે તો ગીતો હેમંત, કેશવ રાઠોડ અને માહિલ પલ્લવીનાં છે. ઍક્શન કૉરિયોગ્રાફી દિલીપ યાદવની છે. કથા-પટકથા-સંવાદ રાજદીપના છે. તો કલાકારો છે અક્ષત ઇરાની, યશ શાહ, તનુ રાઠોડ, હૃદયા સિંગ, સાહિલ ખાન, શેખર શુક્લા, મીનાક્ષી, આત્મારામ ત્રિપાઠી, શાહરૂખ સાદરી, ભરત બ્રહ્મભટ્ટ, સ્મિતા બારોટ, વંદના રાવલ, એમિ, ડિમ્પલ, આસ્મી, રાજુ પંચાલ, દિવિંગ રાવલ, પંકજ પાઠક, જાગૃતિબહેન, પ્રવીણ, રોશની રાઠોડ, આશિષ સુખડવાલા, શક્તિ કપૂર અને રાજદીપ.