લૉકડાઉન દરમિયાન ધૂમ મચાવનાર સિત્તેના દાયકાની લોકપ્રિય સિરિયલ રામાયણના સર્જક રામાનંદ સાગરની પ્રપૌત્રી આજકાલ ચર્ચામાં છે. તાજેતરમાં એના ફોટા વાયરલ થયા બાદ દરેક એની ગ્લેમરસ અદા પર ફિદા થયા છે. એના ફોટા જોઇ જાણે એવું લાગી રહ્યુ છે કે એ માત્ર બૉલિવુડની જ નહીં, હૉલિવુડની હીરોઇનો કરતા પણ વધુ સ્ટાઇલિશ છે.
ઉલ્લેખનીય છે કે સાક્ષી ચોપરા રામાનંદ સાગરની પૌત્રી અને ટીવી નિર્માત્રી મીનાક્ષી સાગરની દીકરી છે. સાક્ષીએ લંડનની ટ્રિનિટી સ્કૂલમાં અભ્યાસ પૂરો કર્યા બાદ કૅલિફોર્નિયાની ધ લી સ્ટ્રેસબર્ગ થિયેટર એન્ડ ફિલ્મ ઇન્સ્ટીટ્યુટથી ફિલ્મ મેકિંગનો કોર્સ કર્યો છે.